From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಜಾನಪದ್ ಪೊದಾಂ: ಥೊಡ್ಯೊ ವಿಂಚ್ಣಾರ್ ಪೊದಾಂ - 2
Sunday, July 17, 2016ಉಂದಿರ್ ಮಾಮ್
1.ಆದಿಂ ಮಾಗಾಂ ಏಕ್ ಉಂದಿರ್ ಆಸ್‌ಲ್ಲೊ | ಕಿರ್‍ಣಾಚಾ ವೊತಾಕ್ ಭಾಯ್ರ್
ಸರಲೊ | ಚುರ್ನಾ ರುಕಾರ್ ಬಸೊನ್ ಚುರ್ನಾಂ ಖಾತಾಲೊ | ಖಾತಾಂ
ಖಾತಾಂ, ಪಾಂಯಾಂಕ್ ಕಾಂಟೊ ತೊಪಲೊ | ಉಂದಿರ್ ಮಾಮ್ ಕಾಂಟೊ
ಘೆವ್ನ್ ಚಾಲಿಕ್ ಲಾಗಲೊ.
2.ಚಲ್ತಾಂ ಚಲ್ತಾಂ ಉಂದ್ರಾಕ್ ಕೆಲ್ಶಿ ಮೆಳಲೊ | ದಿ ಕೆಲ್ಶಾ ವಾಕೊರ್, ಕಾಡ್
ಮ್ಹಜೊ ಕಾಂಟೊ | ಕಾಡ್ತಾಂ ಕಾಡ್ತಾಂ ಕಾಂಟೊ, ಪಾಂಯ್ ಕಾತ್ರಲೊ |
ಉಂದಿರ್ ಮಾಮ್ ಕೆಲ್ಶಾಚೊ ವಾಕೊರ್ ಘೆವ್ನ್ ಚಾಲಿಕ್ ಲಾಗಲೊ.
3.ಚಲ್ತಾಂ ಚಲ್ತಾಂ ಏಕ್ ಕುಂಬಾರ್ ಮೆಳಲೊ | ಹಾತಾಂ ಪಾಂಯಾಂನಿ ಮಾತಿ
ಖೊಂಡ್ತಾಲೊ | ಧರ್ ಕುಂಬಾರಾ ವಾಕೊರ್, ಖೊಂಡ್ ತುಜಿ ಮಾತಿ |
ಖೊಂಡ್ತಾಂ ಖೊಂಡ್ತಾಂ ವಾಕೊರ್ ಮೊಡಲೊ | ಉಂದಿರ್ ಮಾಮ್
ಕುಂಬಾರಾಚೊ ಕೊಳ್ಸೊ ಘೆವ್ನ್ ಚಾಲಿಕ್ ಲಾಗಲೊ.
4.ಚಲ್ತಾಂ ಚಲ್ತಾಂ ಏಕ್ ಕಾಳಿಂಗಾರ್ ಮೆಳಲೊ | ಹಾತಾಂ ಪಾಂಯಾಂನಿ ಪಾಣಿ
ಶಿಂಪ್ತಾಲೊ | ಧರ್ ಕಾಳಿಂಗಾರಾ ಕೊಳ್ಸೊ, ಶಿಂಪ್ ತುಜೆಂ ಪಾಣಿ | ಶಿಂಪ್ತಾಂ
ಶಿಂಪ್ತಾಂ, ಕೊಳ್ಸೊ ಫುಟಲೊ | ಉಂದಿರ್ ಮಾಮ್ ಕಾಳಿಂಗಾರಾಚೆಂ ಕಾಳಿಂಗ್
ಘೆವ್ನ್ ಚಾಲಿಕ್ ಲಾಗಲೊ.
5.ಚಲ್ತಾಂ ಚಲ್ತಾಂ ಏಕ್ ಗಾಡಿಯೆಗಾರ್ ಮೆಳಲೊ | ತಾನೆ ಭುಕೆನ್ ತೊ
ವೊಳ್ವಳ್ತಾಲೊ | ಧರ್ ಗಾಡಿಯೆಗಾರಾ ಕಾಳಿಂಗ್, ಭಾಗಯ್ ತುಜಿ ತಾನ್ |
ಭಾಗಯ್ತಾಂ ಭಾಗಯ್ತಾಂ, ಕಾಳಿಂಗ್ ಸರಲೆಂ | ಉಂದಿರ್ ಮಾಮ್ ಗಾಡಿಯೆಚೆ
ಬೊಯ್ಲ್ ಘೆವ್ನ್ ಚಾಲಿಕ್ ಲಾಗಲೊ.
6.ಚಲ್ತಾಂ ಚಲ್ತಾಂ ಏಕ್ ಘಾಣೆಗಾರ್ ಮೆಳಲೊ | ಬಾಯ್ಲೆ ಭುರ್ಗ್ಯಾಂಕ್ ಬಾಂಧುನ್
ಘಾಣೊ ಲೊಟ್ತಾಲೊ | ಧರ್ ಘಾಣೆಗಾರಾ ಬೊಯ್ಲ್, ಸೊಡ್ ತುಜ್ಯೆ ಬಾಯ್ಲೆಕ್ |
ಘಾಣೊ ಲೊಟ್ತಾಂ ಲೊಟ್ತಾನಾ, ಬೊಯ್ಲ್ ಮೊರಲೊ | ಉಂದಿರ್ ಮಾಮ್
ಘಾಣೆಗಾರಾಚ್ಯೆ ಬಾಯ್ಲೆಕ್ ಘೆವ್ನ್ ಚಾಲಿಕ್ ಲಾಗಲೊ.
7.ಚಲ್ತಾಂ ಚಲ್ತಾಂ ಏಕ್ ಚಾಮಾರ್ ಮೆಳಲೊ | ಹಾತಾಂ ಪಾಂಯಾಂನಿ ವ್ಹಾಣೊ
ಶಿಂವ್ತಾಲೊ | ಧರ್ ಚಾಮಾರಾ ಬಾಯ್ಲೆಕ್, ಶಿಂವ್ ತುಜ್ಯೊ ವ್ಹಾಣೊ |
ವ್ಹಾಣೊ ಶಿಂವ್ತಾಂ ಶಿಂವ್ತಾಂ, ಬಾಯ್ಲ್ ಸರಲಿ | ಉಂದಿರ್ ಮಾಮ್
ಚಾಮಾರಾಚ್ಯೊ ವ್ಹಾಣೊ ಘೆವ್ನ್ ಚಾಲಿಕ್ ಲಾಗಲೊ.
8.ಬಾಯ್ಲೆಕ್ ದಿವ್ನ್ ವ್ಹಾಣೊ ಹಾಡ್ಲ್ಯಾತ್ | ನಾಚ್ರೆ ಪುತಾ ದಿಮಿದಿಮಿ
9.ಬೊಯ್ಲ್ ದಿವ್ನ್ ಬಾಯ್ಲೆಕ್ ಹಾಡ್ಲ್ಯಾ | ನಾಚ್ರೆ ಪುತಾ ದಿಮಿದಿಮಿ
10.ಕಾಳಿಂಗ್ ದಿವ್ನ್ ಬೊಯ್ಲ್ ಹಾಡ್ಲ್ಯಾತ್ | ನಾಚ್ರೆ ಪುತಾ ದಿಮಿದಿಮಿ
11.ಕೊಳ್ಸೊ ದಿವ್ನ್ ಕಾಳಿಂಗ್ ಹಾಡ್ಲಾಂ | ನಾಚ್ರೆ ಪುತಾ ದಿಮಿದಿಮಿ
12.ವಾಕೊರ್ ದಿವ್ನ್ ಕೊಳ್ಸೊ ಹಾಡ್ಲಾ | ನಾಚ್ರೆ ಪುತಾ ದಿಮಿದಿಮಿ
13.ಕಾಂಟೊ ದಿವ್ನ್ ವಾಕೊರ್ ಹಾಡ್ಲಾ | ನಾಚ್ರೆ ಪುತಾ ದಿಮಿದಿಮಿ
14.ನಾಚ್ತಾಂ ನಾಚ್ತಾಂ ಉಂದಿರ್ ಪಿಶ್ಯಾರ್ ಪಡಲೊ | ವ್ಹಾಣೊ ವಾಕೊರ್ ಘೆವ್ನ್
ಖೆಳೊಂಕ್ ಲಾಗಲೊ | ಮಾಜ್ರಾಲಾಗಿಂ ತಾಣೆಂ ಖೆಳ್ ಮಾಂಡಲೊ | ಉಂದಿರ್
ಮಾಮ್ ಮಾಜ್ರಾಚಾ ಘಾಸಾಕ್ ಸಾಂಪಡ್ಲೊ.
ತೆಂಡ್ಲ್ಯಾಚೆಂ ಕಾಜಾರ್
1.ಓಗಾ ತೆಂಡ್ಲ್ಯಾಕ್ ಕಾಜಾರ್‌ಗಾ | ತೆಂಡ್ಲ್ಯಾಕ್ ಕಾಜಾರ್‌ಮು.
2.ತೆಂಡ್ಲ್ಯಾಕ್ ಕಾಜಾರ್, ಕಾಜಾರ್‌ಗಾ | ತೆಂಡ್ಲ್ಯಾಕ್ ಕಾಜಾರ್ ಮ್ಹಣೊನ್.
3.ವಾಂಯ್ಗೆಂ ವ್ಹೊಳಿ ಸಾಂಗೊಂಕ್ ಗೆಲಾಂವೊ | ಕೆಳ್ಯಾನ್ ಸೊಂಡ್ ವಾಂಕ್ಡೆಂ ಕೆಲಾಂ.
4.ಮೊಗೆಂ ಗಾದ್ಯಾಂತ್ ನಿದಾಲಾಂವೊ | ಭೆಂಡಾನ್ ಕಿರ್ಮೆಂ ಗಳಯ್ಲಾಂ.
5.ಆಂಬಾಡ್ಯಾನ್ ಬೊಡ್ ಭೆತಿಲಾಂವೊ | ತೊವ್ಶೆಂ ರಾನ್ ಚಡೊನ್ ಗೆಲಾಂ.
6.ಕಾರೆತ್ಯಾನ್ ವೀಕ್ ಚಡಯ್ಲಾಂವೊ | ಗೊಸಾಳ್ಯಾನ್ ಶಿರೊ ಫುಗಯ್ಲ್ಯಾತ್.
7.ಕುವಾಳ್ಯಾನ್ ಗೊಬ್ರಾಂತ್ ಲೊಳಯ್ಲಾಂವೊ | ದುಧಿಂಯಾನ್ ಪೊಟ್ ಫುಗಯ್ಲಾಂ.
8.ಚಿನೆಂ ಕುಲೆ ತೆಂಕುನ್ ಬಯ್ಸಲಾಂವೊ | ಪೊಡ್ವೊಳ್ಯಾನ್ ವಯ್ಜಾಪಣ್ ಕೆಲಾಂ.
9.ಭೊಬ್ಳೆಂ ಗರ್ಭೆಸ್ತ್ ಜಾಲಾಂವೊ | ಆದಾಳ್ಯಾನ್ ಬಾಳಾಂತ್ ಕೆಲಾಂ.
10.ಕುಂಡ್ಲ್ಯಾನ್ ನ್ಹಾಣೊವ್ನ್ ಸೊಡಿಲಾಂವೊ | ಕಾಯ್ಚಿರೆಂ ಮ್ಹಣ್ ತಾಕಾ ಮೀಟ್ ಮಿರ್ಸಾಂಗ್ ದಿಲಾಂ.
ಮಾಯಾಯೊ - ಮಾಯಾಯೊ
ಸ್ತ್ರೀಯೊ : ತೆಂಡ್ಲೆ ತುಜೊ ಬೇಲ್‌ಗೆ | ವಾಂಕ್ಡೊ ತಿಂಕ್ಡೊ ಗೆಲೊಲೊ | (೨)
ವಾಂಕ್ಡೊ ತಿಂಕ್ಡೊ ಗೆಲೊಲೊ ಮ್ಹಣ್ ಸೊನಾರಾ ಹಾತಿಂ ದಿಲೊಲೊ | (೨)
ಸೊನಾರಾ ಬಾವ್ಡ್ಯಾನ್ | ಸುತಾ ಸಮಾ ಕೆಲೊಲೊ | (೨)
ಕೋ : ಮಾಯಾಯೊ, ಮಾಯಾಯೊ... (೪ ಪಾವ್ಟಿಂ)
ದಾದ್ಲೆ : ತಾರ್‍ವೊಟಿ ದೊಂಗ್ರಾರ್, ಚಂದ್ರೆಮ್ ಉದೆಲಾ | |
ಚಂದ್ರೆಮಾಚಾ ಸಾವುಳೆಕ್, ಚಾಂದ್ನೆಂ ಝಳ್ಕಲಾಂ | |
ಕೋ : ಮಾಯಾಯೊ, ಮಾಯಾಯೊ...
ಸ್ತ್ರೀಯೊ : ಚಾಂದ್ನ್ಯಾಚಾ ಉಜ್ವಾಡಾಕ್, ಫುಲ್ ಫುಲೊಲಾಂ | |
ಫುಲ್ಲೆಲೆಂ ಫುಲ್ ತೆಂ, ಪರ್‍ಮಳಿಕ್ ಜಾಲಾಂ | |
ಕೋ : ಮಾಯಾಯೊ, ಮಾಯಾಯೊ...
ದಾದ್ಲೆ : ಪರ್‍ಮಳಿಕ್ ಫುಲ್ ತೆಂ, ನೊವ್ರ್ಯಾನ್ ವಿಂಚಿಲಾಂ | |
ವಿಂಚ್ಲೊಲೆಂ ಫುಲ್ ನೊವ್ರ್ಯಾನ್ ಹೊಕ್ಲೆಕ್ ಮಾಳಿಲಾಂ | |
ಕೋ : ಮಾಯಾಯೊ, ಮಾಯಾಯೊ...
ಸ್ತ್ರೀಯೊ : ತಾರ್‍ವೊಟಿ ದೊಂಗ್ರಾರ್, ಚಂದ್ರೆಮ್ ಉದೆಲಾ | |
ಚಂದ್ರಮಾಚಾ ಸಾವ್ಳೆಕ್, ಚಾಂದ್ನೆಂ ಝಳ್ಕಲಾಂ | |
ಕೋ : ಮಾಯಾಯೊ, ಮಾಯಾಯೊ... (೪ ಪಾವ್ಟಿಂ)
ಕಾಕಾ ಮಾಂಯ್ ಘರಾ ನಾ
ಕೋ : ಕಾಕಾ ಮಾಂಯ್ ಘರಾ ನಾ | (೨)
ವೋಲ್ ಖಾಕ್ಯೆಕ್ ಘೆವ್ನ್, ಕಾಕಾ ಮಾಂಯ್,
ಆಯ್ಕೊಂಕ್ ಗೆಲ್ಯಾ ಮೀಸ್ | (೨)
1.ಬಾಂಗ್ಡೆ ಹಾಡ್ಲೆ ತೀಸ್, ತಾಂತ್ಲೆ ರಾಂದ್ಲೆ ವೀಸ್ | (೨)
ತಾಂತ್ಲೆ ಥೊಡೆ ಘೆವ್ನ್ ಕಾಕಾ ಮಾಂಯ್, ಆಯ್ಕೊಂಕ್ ಗೆಲ್ಯಾ ಮೀಸ್ | (೨)
ಕೋ : ಕಾಕಾ ಮಾಂಯ್ ಘರಾ ನಾ...
2.ಶಿಂವ್ತಿಂ ಹಾಡ್ಲಿಂ ತೀಸ್, ತಾಂತ್ಲಿಂ ಮಾಳ್ಳಿಂ ವೀಸ್ | (೨)
ತಾಂತ್ಲಿಂ ಥೊಡಿಂ ಘೆವ್ನ್ ಕಾಕಾ ಮಾಂಯ್ ಆಯ್ಕೊಂಕ್ ಗೆಲ್ಯಾ ಮೀಸ್ | (೨)
ಕೋ : ಕಾಕಾ ಮಾಂಯ್ ಘರಾ ನಾ...
3.ವ್ಹಡ್ಲ್ಯೆ ಧುವೆಕ್ ತೀಸ್, ಧಾಕ್ಟ್ಯಾಕ್ ಜಾಲಿಂ ವೀಸ್ | (೨)
ದೊಗಾಂಯ್ ಧುವಾಂಕ್ ನೊವ್ರೆ ಮೆಳ್ಚಾಕ್ ಭೆಟೊಂವ್ಕ್ ಗೆಲ್ಯಾ ಮೀಸ್ | (೨)
ಕೋ : ಕಾಕಾ ಮಾಂಯ್ ಘರಾ ನಾ...
ಹಾಂವ್ ಸಾಯ್ಬಾ ಪಲ್ತಡಿ ವೆತಾಂ
ಆಗೆ ನಾರಿ ತುಜಾ ನಾಕಾಂತ್ ನೊತಿ ಪಾಂಯಾಂಸೊರಿ (೨)
ಹಾತಾಂತ್ ಘಾಲುನ್ ಕಾಂಕುಣಾಂ ಪಾಂಯಾಂತ್ ಪಾಂಯ್‌ಜಣಾಂ (೨)
ಸೊಯ್, ಸೊಯ್, ಸೊಯ್, ಸೊಯ್ಯಾರೆ ಸೊಯ್ಯಾರೆ ಆಮಿ ದೆಖ್ಣಿ ನಾಚೊಯಾಂ (೨)
ಹಾಂವ್ ಸಾಯ್ಭಾ ಪಲ್ತಡಿ ವೆತಾಂ
ದಾಮುಲ್ಯಾ ಲಗ್ನಾಕ್ ವೆತಾಂ
ಮ್ಹಾಕಾ ಸಾಯ್ಭಾ ವಾಟ್ ದಾಖಯಾ
ಮ್ಹಾಕಾ ಸಾಯ್ಬಾ ವಾಟ್ ಕಳಾನಾ
ದಾಮುಲ್ಯಾ ಮಾಟ್ವಾಂತ್ ಲಗ್ನಾಕ್ ಹಾಂವ್ ವೆತಾಂ (೨)
ಆಗಾ ಮ್ಹಜಾ ತಾರ್‍ಯಾ ಮಾಮಾ (೨)
ದಾಮುಲ್ಯಾ ಮಾಟ್ವಾಂತ್ ಲಗ್ನಾಕ್ ಹಾಂವ್ ವೆತಾಂ (೨)
ಆನಿ ದಾಮುಲ್ಯಾ ಮಾಟ್ವಾಂತ್ ಮೋಗ್ ನಾಚೊತಾ
ಆನಿ ಮಝಾ ವ್ಹಾಜೊತಾನಾ ಕೊಲ್ವೊಂತ್ ನಾಚೊತಾ.
ಘೆ, ಘೆ, ಘೆ, ಘೆ ಘೇರೆ ಸಾಯ್ಬಾ
ಮ್ಹಾಕಾ ನಾಕಾಗೊ, ಮ್ಹಾಕಾ ನಾಕಾಗೊ
ಹಿಂ ಮ್ಹಜಾ ನಾಕಾಂತ್ಲಿಂ ನೊತಿಂ ಘೇರೆ ಸಾಯ್ಭಾ
ಮ್ಹಾಕಾ ನಾಕಾಗೊ (೨)
ಹಿಂ ಮ್ಹಜಾ ಫುಲಾಂಚೊ ಪರ್ಮಳ್ ಘೇರೆ ಸಾಯ್ಭಾ
ಮ್ಹಾಕಾ ನಾಕಾಗೊ (೨)
ವಯ್ಲ್ಯಾ ವಯ್ಲ್ಯಾ ದೊಂಗ್ರಾರ್ ಉಬ್ತಾತ್ ಕೊಂಗ್ರೆ
ಉಬ್ತಾತ್ ಕೊಂಗ್ರೆ ಜಾಲ್ಯಾರ್ ತಾಳ್ವೆರ್ ಮೊಗ್ರೆ
ಘೆ, ಘೆ, ಘೆ, ಘೆ, ಘೇರೆ ಸಾಯ್ಬಾ
ಮ್ಹಾಕಾ ನಾಕಾಗೊ, ಮ್ಹಾಕಾ ನಾಕಾಗೊ
ಶಿಂವ್ತಿಂ ಭಿಂವ್ತಿಂ ಆಬೊಲಿಂ, ಮಾತೆಂಭರ್ ಮಾಳ್ತೊಲಿಂ,
ಮ್ಹಜಾ ಪೊತಿಕ್ ವಚೊನ್ ಮೆಳ್ತೊಲಿಂ, ಹಾಯ್ ಮೆಳ್ತೊಲಿಂ.
ಘೆ, ಘೆ, ಘೆ, ಘೆ, ಘೇರೆ ಸಾಯ್ಬಾ
ಮ್ಹಾಕಾ ನಾಕಾಗೊ, ಮ್ಹಾಕಾ ನಾಕಾಗೊ
ಹ್ಯಾ ಮ್ಹಜಾ ಪೊಲ್ಯಾಚೊ ಭೇಜ್ ಘೇರೆ ಸಾಯ್ಬಾ.
ಮ್ಹಾಕಾ ಜಾಯ್‌ಗೊ, ಮ್ಹಾಕಾ ಜಾಯ್‌ಗೊ.
ಹಾಂವ್ ಸಾಯ್ಬಾ ಪೊಲ್ತಡಿ ವೆತಾಂ, ತಾರಿಯೆಚಿ ವಾಟ್ ದಾಖಯ್. (೨)
ಯೆಂವ್ಕ್ ಮ್ಹಾಕಾ ಜಾಯ್ನಾ ಸಿಞೊರಾ
ಕೋ : ಯೆಂವ್ಕ್ ಮ್ಹಾಕಾ ಜಾಯ್ನಾ
ಬಾಯ್ಲ್ ಮ್ಹಜಿ ಘರಾ ನಾ | ಯೆಂವ್ಕ್ ಮ್ಹಾಕಾ ಜಾಯ್ನಾ
1.ತಿ ಪೇಟ್ ಆನಿ ಗಜ್ಡಿ | ಮಾರ್‍ಲಿ ಖಾಂದಾರಿ
ಧಾಂವ್ತಾಂ, ಧಾಂವ್ತಾಂ, ಧಾಂವ್ತಾಂ | ತಿ ಪಾವ್ಲಿ ಬಾಗೆಂತಿ
ಕೋ : ಯೆಂವ್ಕ್ ಮ್ಹಾಕಾ... (೨)
2.ಘರಾಕ್ ಪೆಟ್ಲೊ ಉಜೊ | ತೊ ರೂಕ್ ಹುಲ್ಪಾಲೊ
ಆನಿ ಬಾಯ್ಬಲಾಚೊ ಬೂಕ್ ಮ್ಹಜೊ | ಪೆಟೆಂತ್ ಉರ್ಲೊ
ಕೋ : ಯೆಂವ್ಕ್ ಮ್ಹಾಕಾ... (೨)
3.ಪಾವ್ಸ್ ತೊ ಆಯಿಲ್ಲೊ | ಆನಿ ಮಾಳೊ ಭಿಜ್‌ಲ್ಲೊ
ತೀನ್ ಬೊತ್ಲಿ ಸೊರೊ ಮ್ಹಜೊ | ಮಾಳ್ಯಾರ್‌ಚ್ ಉರ್ಲೊ
ಕೋ : ಯೆಂವ್ಕ್ ಮ್ಹಾಕಾ... (೨)
ಶೋ ಶೋ ಜುವಾನಾ
1.ಏಕ್ ದೋನ್ ತೀನ್ ಚಾರ್, ಪಾಂಚ್ ಸ ಪಂದ್ರಾ ಸೊಳಾ |
ಪಾವ್ಲಾಮಾಚೊ ಕೊಣ್ ನಾ ಘರಾ | ಆಸ್ರೆ ಘರಾ ನಾರೆ ಘರಾ | | (೨)
ಯೆತಲೊ ಘರಾ ಯೆಂವ್ಕ್ ಘರಾ | | (೨) ಯೆತಲೊ ಘರಾ ಯೆಂವ್ಚೊನಾ ಘರಾ | | (೨)
ಸಗ್ಳೊ ಕೊಂಬೊ ರಾಂದ್ತಲಿಂ | ಮ್ಹಾತಾರ್‍ಯಾ ಘೊವಾಕ್ ವಾಡ್ತಲಿಂ | | (೨)
ಕೋ : ಶೋ ಶೋ ಶೋ, ಜುವಾನಾ, ವಯ್ಲ್ಯಾ ರಾನಾ, ಕಾಜ್ಜಿಂ ಪಾನಾಂ | | (೨)
ಶೋ ಶೋ ಶೋ, ಜುವಾನಾ, ವಯ್ಲ್ಯಾ ರಾನಾ, ಕಾಜ್ಜಿಂ ಪಾನಾಂ |
2. ಶೋ ಶೋ ಶೋ ಕಾಂತಾ ತೊ, ಕಾಂಡ್‌ಪೆನಿಚೊ ಮ್ಹಾತಾರೊ ತೊ | | (೨)
ಕಾಂಡ್‌ಪೆನಿಚೊ ಗೆಲೆರೆ ಕಾಂಡೊನ್‌ರೇ, ಭಾವಾ ಗೆಲೆರೆ ಕಾಂಡೊನ್ | | (೨)
ಕೋ : ಶೋ ಶೋ ಶೋ, ಜುವಾನಾ...
3.ಜೆವಾಣ್ ಜಾಲೆಂ, ಯೆ ಜುವಾನಾ, ಕುಂಡ್ಲೆಂ ಖಾಲಿ, ಯೆ ಜುವಾನಾ |
ಪಾವ್ಲಾಮಾಕ್ ಯೇ ಜುವಾನಾ, ಉಪಾಶಿಂ ಘಾಲೆಂ ಏ ಜುವಾನಾ |
ಕೋ :ಶೋ ಶೋ ಶೋ, ಜುವಾನಾ...
4.ಜುವಾನ್ ಬಾಯ್ ಸುರ್ ಪಿಯೆತಾ, ಕರ್ಟಿ ಪುಸುನ್ ಘೊವಾಕ್ ದಿತಾ |
ಜೆವಾಣ್ ಕರುನ್ ಘಟ್ಟ್ ನಿದ್ತಾ. ಕುಂಡ್ಲೆಂ ಖಾಲಿ ಘೊವಾಕ್ ದಿತಾ |
ಆಳೆ ಪಳೆ ಪಾವ್ಲಾಮಾಕ್, ಭಿರ್ಮತ್ ತಾಚಿ ಮ್ಹಾಕಾ ದಿಸ್ತಾ | | (೨)
ಕೋ :ಶೋ ಶೋ ಶೋ, ಜುವಾನಾ...
ಕೊಂಬ್ಯಾ ಕೊಂಬಿಯೆಚೆಂ ಝಗ್ಡೆಂ
ಅಲ್ತಡಿಚೊ ಕೊಂಬೊ ತೊ, ಪೊಲ್ತಡಿಚಿ ಕೊಂಬಿ ತಿ (೨)
ಕೊಂಬ್ಯಾ ಕೊಂಬ್ಯೆಕ್ ಝಗ್ಡೆಂ ಜಾತಾ, ಕೊಂಬೊ ಮ್ಹಣ್ತಾ ಆಪ್ಲೆಂ ಖರೆಂ (೨)
ಕೋ : ವಾ ಇಕ್ಡೆ ವಾ, ಜಾ ಚಿಕ್ಡೆ ಜಾ (೨)
ರಾವ್ಗೆ ಆವಯ್ ರಾನಾ ಬಂಗ್ಲ್ಯಾಂತ್ ಸೊಸ್ಯಾನ್ ಘೊಂಟೆರ್ ಕೆಲಾ (೨)
ಮಾಡಾರ್ ಕೀರ್ ರಡ್ತಾ, ಪಾಕ್ಯಾರ್ ಪಾವ್ಸ್ ಪಡ್ತಾ
ತಾಂಬ್ಡ್ಯಾ ಕಾಪ್ಡಾರ್ ಬಾಯ್ಲ್ ಮ್ಹಜಿ ದೊಳೆ ಮೊಡಿತಾ (೨)
1.ಕೊಂಬ್ಯಾ ತುಜಿ ನಾಕ್ಷಿ, ನಾಕ್ಷಿ ನಾಕ್ಷಿ
ಕೊಂಬ್ಯಾಚಿ ಬಾಯ್ಲ್ ಸಾಕ್ಷಿ, ಸಾಕ್ಷಿ ಸಾಕ್ಷಿ
ಕೊಂಬ್ಯಾ-ಕೊಂಬ್ಯೆಚೆಂ ಎಕ್ಲೆಂ ಜೊಡೆಂ, ಕೊಂಬೊ ಮ್ಹಣ್ತಾ ಆಪ್ಲೆಂ ಖರೆಂ (೨)
ಕೋ : ವಾ ಇಕ್ಡೆ ವಾ...
2.ಕೊಂಬ್ಯಾ ತುಜೆಂ ಶೆಂಕ್ರೆಂ, ಶೆಂಕ್ರೆಂ ಶೆಂಕ್ರೆಂ
ಕೊಂಬ್ಯಾಚಿ ಬಾಯ್ಲ್ ಭೆಂಕ್ರೆಂ, ಭೆಂಕ್ರೆಂ ಭೆಂಕ್ರೆಂ
ಕೊಂಬ್ಯಾ-ಕೊಂಬ್ಯೆಚೆಂ ಎಕ್ಲೆಂ ಜೊಡೆಂ, ಕೊಂಬೊ ಮ್ಹಣ್ತಾ ಆಪ್ಲೆಂ ಖರೆಂ (೨)
ಕೋ : ವಾ ಇಕ್ಡೆ ವಾ...
ರೊಜಲಿನ್
1.ದೋನ್ ತೀನ್ ವರ್ಸಾಂ ಜಾಲಿಂ ಮ್ಹಾಕಾ ಯೆವ್ನ್ ಖುಶಿ ಕಾಜಾರಾಚಿ |
ಪಾಯ್ ಮಾಂಯ್ಕ್ ಕಿತ್ಯಾ ಸಾಂಗೊನಾಕಾ ಹಿ ಖಬಾರ್ ಮೊಗಾಚಿ | |
ದೀಸ್ ರಾತ್ ಕಾಂಯ್ ಪುಣ್ ಸುಖ್ ಮ್ಹಾಕಾ ನಾ, ನೀದ್ ಸಾರ್ಕಿ ಪಡಾನಾ |
ಸ್ವಪ್ಣಾಂತ್ ಜಾಂವ್ ಮಾಗ್ಣ್ಯಾಂತ್ ಜಾಂವ್ ಯೆತಾ ಮ್ಹಜಾ ಮತಿ.
ಸಕ್ಕಡ್ : ರೊಜಲಿನ್ ಮ್ಹಜಾ ಮೊಗಾಚೆಂ | ಸೊಭಿತ್ ಭಾಂಗ್ರಾಲ್ಯಾ ಕೆಸಾಂಚೆಂ | ಚಲ್ತಾನಾ
ದಿಸ್ತಾ ಸಗ್ಳೆಂಚ್ ತೆಂ | ಕಿರ್ನಾಲ್ ಸುರ್ಯಾಚೆಂ | | ಮಾಣಿಕ್ ಆಪುರ್ಬಾಯೆಚೆಂ |
ರುಪಾನ್ ಆಂಜಾ ಸಾರ್ಕ್ಯಾಚೆಂ | ದೆವಾನ್ ಮ್ಹಾಕಾ ನಿರ್ಮಿಲೆಂ | ಚೆಡುಂ ಮೊಗಾಚೆಂ.
2.ಏಕ್ ದೀಸ್ ಸಾಂಜೆಚಾ ವೆಳಾರ್ ಭೊಂವೊಂಕ್ ಗೆಲೊಂ ಹಾಂವ್ |
ರೊಜಲಿನಾಕ್ ಘೆವ್ನ್ ಮೋಟರ್ ಕಾರಾರ್ ಭೊಂವ್ಲೊಂ ಸಗ್ಳೊ ಗಾಂವ್ | |
ಪಾಟಿಂ ಘರಾ ವೆತಾನಾ ಮಾಂಯ್ನ್ ಮ್ಹಾಕಾ ಚೊಯ್ಲೆಂ | ಸತ್ ಸಾಂಗ್ಲೆಂ
ಮಾಫ್ ಮಾಗ್ಲೆಂ ಆನಿ ಚೆಡ್ವಾಕ್ ದಾಖಯ್ಲೆಂ.
ಸಕ್ಕಡ್ : ರೊಜಲಿನ್...
3. ಏಕ್ ದೀಸ್ ಫಾದರ್ ವಿಗಾರ್ ಸಾಂಗ್ತಾಲೊ ಖಬಾರ್ | ಪಾಯ್-ಮಾಂಯ್
ಜಾಲಿಂ ಮ್ಹಣ್ ಕಾಜಾರ್ ಪಡೊನ್ ಮೊಗಾರ್ | ಆತಾಂ ಹಾಂವ್ ಕಿತ್ಯಾ
ರಾಗಾರ್, ಮತ್ ಕರುನ್ ಬೆಜಾರ್ | ಎಕ್ಟಾಂಯ್ ಜಾವ್ನ್ ಬೆಸಾಂವ್ ಘೆವ್ನ್
ಕರ್‍ಯಾಂ ಕಂತಾರ್.
ಸಕ್ಕಡ್ : ರೊಜಲಿನ್...
ಹಾಂವ್ ಕಾಜಾರ್ ಜಾಲೊಂ ಪೊರುಂ
1.ಹಾಂವ್ ಕಾಜಾರ್ ಜಾಲೊಂ ಪೊರುಂ | ಹೊಕಾಲ್ ಮೆಳ್ಳಿ ಗೊರುಂ | ಹೆಂ
ಎದೆಂ ವ್ಹಡ್ಲೆಂ ತಾರುಂ | ಆತಾಂ ಕಿತೆಂ ಕರುಂ ?
ಸಕ್ಕಡ್ : ಹಾಯ್ ಹಾಯ್, ಹಾಯ್ ಹಾಯ್ |
ಅಸ್ಲಿ ಬಾಯ್ಲ್ ಕೊಣಾಕ್ ಜಾಯ್ ?
2.ಕಾನ್ ತಿಚೆ ದಾಟ್ | ನಾಕ್ ತಿಚೆಂ ಲಾಂಬ್ | ತೊಡ್ಪ್ಯಾ ತೆದೆಂ ತೊಂಡ್ |
ದಿಸ್ತಾ ಯಮ್ಕೊಂಡ್.
3.ಗಾಂವ್ ತಿಚೊ ಬೊಳ್ಯೆರ್ | ನಿದೊಂಕ್ ವೆತಾ ಮಾಳ್ಯೆರ್ | ಚೆಪೆಂ ದವರ್‍ನ್
ತಾಳ್ವೆರ್ | ಭೊಂವೊಂಕ್ ವೆತಾ ಗಾಡ್ಯೆರ್.
4.ಲೋಕ್ ತಿಕಾ ದಿಸಾನಾ | ದುಬ್ಳ್ಯಾಂಗೆರ್ ತಿ ವಚಾನಾ | ಕದೆಲಾ ಶಿವಾಯ್
ಬಸಾನಾ | ಖಟ್ಲ್ಯಾ ಶಿವಾಯ್ ನಿದಾನಾ.
5. ಪಯ್ಲಿ ಬಾಯ್ಲ್ ಮ್ಹಜಿ ಮೆಲಿ | ದುಸ್ರಿ ಬಾಯ್ಲ್ ಬಾಂಯ್ತ್ ಪಡ್ಲಿ | ತಿಸ್ರಿ
ಬಾಯ್ಲ್ ಮ್ಹಾಕಾ ಮೆಳ್ಳಿ | ವೊಂಟಾರ್ ಮಿಶ್ಯೊ ಫುಟ್ಲಲಿ.
6.ಪಯ್ಲಿ ಬಾಯ್ಲ್ ಮ್ಹಜಿ ಬರಿ | ದುಸ್ರಿ ಬಾಯ್ಲ್ ಉಷ್ಟಿ | ತಿಸ್ರಿ ಸಾಂಗೊಂಕ್
ಗೆಲ್ಯಾರಿ | ದಿಸಾಕ್ ಶೆಂಭರ್ ಖಾತಾ ಮುಟಿ.
Tags:
Konkani Songs, Konkani, Mangalore, Mangalorean, Mother Tongue
